السر الكبير.. الأب جيگو لم يساهم في تأسيس لا الرجاء ولا الوداد عكس ما هو شائع بين الناس

مع إضافة جوج ديال المعلومات، الأب جيگو من أوائل المغاربة لي خداو الباك. سبق ليه الاشتغال في البنك الجزائري الفرنسي لي كان حدا فين كان دبا لقهوة لي حدا كافي فرانس (كانت سميتها رمسيس) هناك تفصيل آخر مهم هو كيفاش قولب فرنسا باش فتاسيس الوداد يدير ليهم equipe omni sport لي حلات الباب فيما بعد لتاسيس الواك ديال كرة. شكرا صفحة موسوعة الدار البيضاء من تاريخ الدارالبيضاء الأب جيگو لم يساهم في تأسيس لا الرجاء ولا الوداد عكس ما هو شائع بين الناس! لكن يمكن اعتباره الأب الروحي للكرة المغربية عموما..

 الحكاية وما فيها باختصار هو أن هاد السيد العصامي ذو الأصول الأمازيغية (تارودانت) كان أول مغربي يمارس الصحافة الرياضية(1935) وأول من حصل على دبلوم التدريب من لندن( 1939 )، و في هاد العام بالضبط طلب منو بن جلون مؤسس الوداد أن يساهم في تطوير قطاع كرة القدم لي عاد تأسس وقام بتدريب الفرقة بين 1939 و 1952.. في هاد العام أصبح مدربا للفريق الوطني حتى عام 1957 ومن بعد عيطات ليه الرجاء لتعويض عبد القادر جلال كمدرب.. استمر في تدريب الخضرا لمدة 11 عام حتى خدا التقاعد ديالو (1968) وتوفى عامين من بعد..

 يحسب للرجل أنه كان أول من أعطى للفريقين البيضاويين الستيل لي تعرفو بيه من بعد، الوداد اللعب الأورپي المباشر مع الفعالية و الواقعية، والرجاء اللعب ديال أمريكا الجنوبية المعتمد على الفنيات والمهارة (دقة دقة)..

كان ارتباط الأب جيگو بالرجاء أقوى وتقاعد مع الفرقة وهو لي خلاها تنافس بقوة فريق الوداد، لذلك شاع بين الرجاويين أنه مؤسس النادي والواقع كيقول أنه كان يدرب الوداد في الوقت لي كان عبد القادر جلال وصحابو مجتامعين في مقهى با صالح بدرب كلوطي لتأسيس الفريق الأخضر عام 1949..

عن صفحة رياضية